29 குடும்பங்கள் யாழில் பாதிப்பு.

யாழ். மாவட்டத்தில்  வீசிய காற்றின் தாக்கத்தின் காரணமாக 29 குடும்பத்தை சேர்ந்த 99 அங்கத்தவர்கள் பாதிக்கப்பட்டுள்ளதாக யாழ். மாவட்ட அனர்த்த முகாமைத்துவ பிரிவின் மாவட்ட உதவிப் பணிப்பாளர் என். சூரியராஜா தெரிவித்துள்ளார்.
தற்போது நிலவி வருகின்ற அம்பான் புயலின்   தாக்கத்தின் காரணமாக நாட்டின் பல்வேறு பகுதிகளிலும் அதனுடைய தாக்கம் உணரப்பட்டுள்ளது. குறிப்பாக யாழ். மாவட்டத்திலும் காற்றின் தாக்கமானது உயர்வானதாக உணரப்பட்டுள்ளது.
இன்று காலை வரை வீசிய காற்றின்தாக்கத்தின் காரணமாக யாழ்ப்பாண மாவட்டத்தில் 29 குடும்பத்தைச் சேர்ந்த 99 அங்கத்தவர்கள் பாதிக்கப்பட்டுள்ளனர்
22 வீடுகள் பகுதியளவில் சேதமடைந்துள்ளனஅத்துடன் கைதடி பகுதியில் பாடசாலை ஒன்றும் சேதமடைந்துள்ளது மேலும் மயிலிட்டி பகுதியில் மரம் முறிந்து விழுந்து ஒரு பெண் காயமடைந்த நிலையில் தெல்லிப்பளை வைத்தியசாலையில் சிகிச்சை பெற்று வருவதாக தெரிவித்த மாவட்ட உதவி பணிப்பாளர் நெடுந்தீவு பிரதேச செயலர் பிரிவுக்குட்பட்ட பகுதியில் கடலில் மீன்பிடிக்கச் சென்ற மீனவர் ஒருவர் காணாமல் போனதாக அறிவிக்கப்பட்ட நிலையில் அவர் மீண்டும் கரைசேர்ந்துள்ளதாகவும் தெரிவித்தார்.
 இந்த காலநிலையானது எதிர்வரும் 24 மணித்தியாலத்திற்கு எதிர்பார்ப்பதால் மக்கள் அவதானமாக செயற்படுமாறு அனர்த்த முகாமைத்துவ பிரிவால் அறுவுறுத்தப்பட்டுனர். மேலும் சிறு மற்றும் நடுத்தர முயற்சியாளர்கள் 05 பேர் பாதிக்கப்பட்டுள்ளனர்.
நிலப்பகுதியில் காணப்படுகின்ற காற்றின் தாக்கத்தினை விட கடற்கரையை அண்டிய  பகுதியில் காற்றின் வேகம்கூடுதலாக காணப்படுவதனால் குறிப்பாக கரையோரப் பகுதிகளில் உள்ள மக்கள் மிகவும் அவதானத்துடன் இருக்குமாறும் மற்றும் மீனவர்கள்  கடலுக்குள் மீன்பிடிக்க செல்வதை தவிர்க்குமாறும் அனர்த்த முகாமைத்துவ பிரிவால் அறிவுறுத்தப்பட்டுள்ளது என தெரிவித்துள்ளார்.