மக்களுக்கு உதவுவதற்காக நிர்வாண திருமணத்திற்கு தயாராகும் நடிகை

ஏழை மக்களுக்கு உதவி செய்யும் வகையில் பிரபல பாலிவுட் நடிகை ராக்கி சாவந்த் நிர்வாண திருமணம் நடத்த திட்டமிட்டுள்ளார்.

தமிழில் வெளியான என் சகியே, முத்திரை ஆகிய படங்களில் ஒரு பாடலுக்கு மட்டும் நடனம் ஆடியவர் பாலிவுட் நடிகை ராக்கி சாவந்த். தொடர்ந்து பாலிவுட்டில் பல படங்களில் நடித்து வந்த அவர் கடந்த 2016-ம் ஆண்டு ஒளிபரப்பான பிக்பாஸ் நிகழ்ச்சியிலும் கலந்து கொண்டார். சமீபத்தில் நடிகை தனுஸ்ரீ தத்தா தன்னை பாலியல் பலாத்காரம் செய்தார் என்ற மீடூ புகாரையும் கூறி பரபரப்பை ஏற்படுத்தினார்.

இவர் தற்போது தொலைக்காட்சி நிகழ்ச்சியில் பங்கேற்கும் தீபக் கலால் என்பவரை திருமணம் செய்ய இருக்கிறார். டிசம்பர் 31-ம் தேதி இவர்களது திருமணம் அமெரிக்காவின் லாஸ் ஏஞ்ஜல்ஸ் நகரில் நடக்க இருக்கிறது. அதற்கான அழைப்பிதழை தனது சமூகவலைதள பக்கத்தில் வெளியிட்டுள்ளார்.

அதேபோல் தனது இன்ஸ்டாகிராம் பக்கத்தில் எங்களது திருமணம் நிர்வாணமாக நடைபெறும், திருமண ஆடைக்கு செலவாகும் தொகையை கம்போடியா மற்றும் சோமாலியாவில் வாழும் ஏழை எளிய மக்களுக்கு கொடுத்து உதவுவோம் என்றும் கூறியுள்ளார்.

இந்த அறிவிப்பு திரையுலகினரை அதிர்ச்சியடையச் செய்துள்ளது.